دادگای ئەڵمانیا سێ‌ پەنابەری كورد بە تۆمەتی پیلانگێڕی بۆ كاری تیرۆرستی سزادا

Home / هەواڵ / دادگای ئەڵمانیا سێ‌ پەنابەری كورد بە تۆمەتی پیلانگێڕی بۆ كاری تیرۆرستی سزادا

لوتكە

بە پێی هەواڵێكی ماڵپەری ئەمەل هامبۆرگی ئەڵمانی، سێ‌ پەنابەری كوردی نیشتەجێی ئەو وڵاتە بەناوەكانی (شاهین و هێرش و رەئوف) پاش ئەوەی بە تۆمەتی پلاندانان بۆ هێرشی تیرۆرستی لەو وڵاتە دەستگیردەكرێن، دوێنێ‌ دووشەممە هەر سێ‌ تۆمەتبارەكە لەبەردەم دادگادا ئامادەبوون و سزای 5 ساڵ بۆ دوان لە تۆمەتبارەكان و 2 ساڵیش بۆ تۆمەتباری سێیەم دەركرا.
ئەم سێ‌ تاوانبارە كە دانیشتووی ویلایەتی شلیسفیگ هۆڵشتاینن، لەرێگەی تۆرە كۆمەڵایەتییەكانەوە پەیوەندیان بە (داعش)و دواتر ئیسلامییە توندرەوەكانی ئەڵمانیاوە كردووە. دوای ئەوەی چەند پارچە چەكێك دەكڕن، پلان بۆ هێرشی تیرۆرستی دادەڕێژن. هەرچەندە لە دۆسێی داوانامەی مافی پەنابەرێتیدا پێشتر ئاماژەیان بەوەكردووە كە ئەوان لە هەرێمی كوردستان لە ترسی هێرشەكانی داعش هەڵهاتوون و رویانكرۆدتە ئەڵمانیا.