بە پێی رێككەوتنێكی نهێنی، ماڵتاو لیبیا گەلەكۆمەكێ‌ لە كۆچبەران دەكەن

 بە پێی رێككەوتنێكی نهێنی، ماڵتاو لیبیا گەلەكۆمەكێ‌ لە كۆچبەران دەكەن

لوتكە

رۆژی یەكشەممەی رابردوو لەیەكێك لەڕۆژنامەكانی وڵاتی ماڵتا هەواڵێك بڵاوكرایەوە بە ناوی “تۆماركردنی رێككەتنی نهێنی حكومەت”و حكومەتی ئەو وڵاتەش ئامادەنەبوو لەمبارەیەوە رونكردنەوەی راستەوخۆبدات، بەڵام بەپێی هەواڵێكی ئاژانسی رۆیتەرز لەمێژە لەگەڵ پاسەوانانی سنوری كەناردەریای لیبیادا كاردەكەن لەسەر بارودۆخی دەریای ناوەڕاست و بە پێی وتەی بەرپرسان لەو وڵاتە، هەمیشە كارەكانیان لە چوارچێوەی یاسادا بەگەڕخستوە.
بەپێی ئەو نوسراوانەی لەڕۆژمانەكەدا بڵاوكراوەتەوە، هێزی چەكداری ماڵتا بەهەماهەنگی لەگەڵ پاسەوانانی سەرسنوری كەناواوەكانی لیبیا كاربكەن بۆ گەڕاندنەوەی هەر بەلەمێكی كۆچبەر كە لەلیبیاوە بەڕێدەكەوێت بەرەو ماڵتا و پێش ئەوەی بگاتە ئەو ئاوەی سەر بە هەرێمی ماڵتایە، دەبێت پاسەوانانی كەنار دەریای لیبیا دەست بەجێ دەستگیریان بكات و بیانگەڕێنێتەوە بۆ لیبیا .
دوای بڵاوبوونەوەی ئەو راپۆرتە رێكخراوە نا حكومی ‌و مرۆڤدۆستانەیەكانیش لەمبارەیەوە هاتنە دەنگ و وێڕای ئیدانەی ئەو رێككەوتنەی ماڵتاو لیبیا، ئاماژەیان بۆ ئەوەكرد كە بە ڕێكەوتنەكەی پێشوی ئیتاڵیا لەگەڵ لیبیا باشترو گونجاوترە لەم رێككەوتنە كە بەڕاستەوخۆیی بەلەمی كۆچبەرەكان بگوازنەوە بۆ ئەو ئاوەی سەر بە هەرێمی لیبیایە.
هەر بەپێی زانیاری و داتاكانی ئەو رێكخراوانە لە ئێستادا كۆچبەران لەباكوری ئەفریقا رووبەڕووی دەسترێژی نایاسایی و نەهامەتی زۆر دەبنەوە.

Leave a Reply

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *