گەران بەدوای سێبەری رۆحەكاندا

Home / بڵاوکراوەکانی لوتکە / گەران بەدوای سێبەری رۆحەكاندا

ئا/دەزگای لوتكە

لەوكاتەی مرۆڤەكان خەونەكانیان لێدزرا ,رۆحەكانیشیان وێڵ بوون ,بۆخۆیان دەگەران ,ئاخۆ لەكۆێ حەشاردرابێت ,سوچ و كەلەبەری كۆڵانەكان برستیان نەما و ئەوەی ئەو بۆی دەگەرا بەئاسماندا وەك تەمی زستان دەهات و پاشان بەرەو نەمان دەچوو ,خەون نەما و رۆحیش وون بوو ,ئەی سێبەرەكانیان لەكۆێ خنكێنران ,ئەم پرسیارە و هەزاران پرسیاری تر لە دڵی من و تۆو كەسو كاری قوربانیان و بێسەرۆشوێنەكانی رێگەی كانی ئاگراوی رێگەی مان و نەمان دێتە ئاراوە .
دەزگاكەمان بە پێویستی زانی درێژەی باسی (یوسف نازم رشید) لەریگەی باوكە جەرگ هەژینەكەیەوە بەدوادا چوون بكات.
باوكی یوسف:كورەكەم ناوی یوسفە و تەمەنی 22 ساڵە و خوێندكاری زانكۆ بوو لە كۆلیژی جیولوجی قوناغی دووەم دەیخوێند ,كورەكەم زۆر نازداربوو چونكە دوای چوار كچ هاتبوو ,باری ژیانمان باش بوو ,بەڵام بە سەرهەڵدانی قەیرانی ئابوری لە كوردستان ناچار لەگەڵ خوێندن ئیشی لە هەولێر دەكرد تاوەكو بژیوی خوی و خوێندنەكەی پێ بەرێتە سەر.
دەزگای لوتكە: لەكەیەوە یوسف دیارنەما و چۆن بوو؟
باوكی یوسف:ئێمە ئاگاداری هیچ شتێكی نەبووین هەتا لەرۆژی 11-5-2017 كورەكەم دەنگ و سەنگی نەما ومۆبایلەكەشی داخرا, ناچار كەوتمە گەران بەدوایدا ,سەرەتا لە هەولێرەوە دەستم پێكرد چونكە ئیشەكەی لەوێ بوو ,شوێن نەما سۆراخی نەكەم هەتاوەكو لە پۆلیس و ئاساییشی هەولێر پێیان راگەیاندم كە كورەكەم لە فرۆكەخانەی نێودەوڵەتی سلێمانیەوە سەفەری كردووە بەرەو توركیا ,ئیمە توشی شۆك بووین چونكە لەناو ئیمەدا هەركیز باسی سەفەرو كۆچ نەكرابوو.
هاتمە فرۆكەخانەی نێو دوڵەتی سلێمانی و بەهەمان شێوە بەدوی زانیاری كورەكەمەوە بووم ئەوانیش پێیان راگەیاندم كە لەو رۆژەدا و لەرێگەی توركش ئون لاین لەگەل كورو كچێكدا سەفەری كردووە .
دەزگای لوتكە:ئایا هیچ پەیوەندیەكی بە كەسی خێزانەكەیەوە نەكردووە جگە لە جەنابت ؟
باوكی یوسف: سەرەتا لە رێگەی فیسبوك قسەی لەگەڵ خوشكەكەی كردووەو پێی راگەیاندوە كەلەگەڵ كورێك و كچێك سەفەر دەكات و هە ئەو دوانەش هاوكاری ماددی و مەعنەوی دەكە ن ,بە خوشكەكەشی گوتووە گوایا گەشتۆتە یونان ,بەڵام دوای ئەوە ئیتر ئەو پەیوەندیەش پچراو خەبەری نەما ؟
دەزگای لوتكە: ئەی ئەو كچ و كورەتان نەناسی نەتان زانی ئەو كەسانە كێن یاخود لای خوشكەكەی ناوی نەبردوون ؟
باوكی یوسف: نەخێر باسی هیچ شتێكی لای هیچ كەسێك نەكرددوە تەنها لە زانكۆ لەناو هاورێ و مامۆستاكانی باسی سەفەری كردووەو داوای مۆڵەتیشی لە زانكۆكەی كردوە چونكە بەنیازی رۆشتن بووە بەلام ئێمە هەواڵی سەفەرەكەیمان كاتیك پێزانی كە دیارنەماو كەوتینە سۆراخی .
دەزگای لوتكە: ئایا نەتان زانی لەتوركیا لەكۆێ ماوەتەوە یان چەند رۆژ لەوێ بووە ؟
باوكی یوسف: زانیاریمان لەسەر ئەوەش نیە كورەكەم بە نهێنی وبێ ئاگاداری خێزانەكەی رۆشتووەو سەفەری كردوە ,وەك پێم راگەیاندن رۆژی 17-5-2017 یوسف لەگەل رێناسی خوشكی لەرێگەی فیسبوك ی كورێكی عەرەب چاتی لەگەڵ خوشكەكەی كردووەو پێی گوتووە من لەگەڵ كورێك و كچێكدا سەفەرم كردووەو هەر ئەوانیش هاوكاری مادی و مەعنەویم بوون و ئیستا من یونانم تێپەراند.
دەزگای لوتكە:ئایا هیچ لایەن و كەسێك هاوكاری كردن لە پێناو گەران بە شوێن یوسف دا ؟
باوكی یوسف: سەرەتا ئنترپوڵی جیهانی هەوڵی لەگەڵ داین بەدوای سەرەداوێكەوە بوون و پاشان دەزگای لوتكە وجگە لەم دوو لایەنە كەسی تر ئاوری لێنەداینەوە .

دوزگای لوتكە :هیچ روونكردنەوەی ترت هەیە حەزبكەیت بیوروژێنیت ؟
باوكی یوسف :كورەكەم كورێكی سەنگین و هەتا بڵیی زیرەك بوو ,لە پۆلی دوانزە 89 بەدەست هێنا ,خەونی هەبوو دەیویست ببێتە رۆلەیەكی بەسوود خزمەت بە خێزان و گەلەكەی بكات ,بەلام بەهۆی قەیرانی دارای كەدوچاری كوردستان بوو كورەكەم لەگەل خویندن شارەوشار كاریشی دەكرد ,ماندووبو لەكارو خوێندن بۆیە شكستی لە بڕوا بوون بەداهاتوو هێنا لە كوردستان هەربۆیە بە نهێنیش سەفەری كرد .
دەزگای لوتكە: هیچ داواكاریەكت هەیە بتەوێت لەرێگەی ئەم چاوپێكەوتنە بیخەیتە روو؟
باوكی یوسف :داواكاریم لە هەموو لایەكە بە حكومەت و لایەنە ئەهلیەكان ,بە حیزب و دامەزراوەكان هاوكاریمان بن لە پێناو گەران بە شوێن یوسف دا لە تەواوی گرتوخانەكان ,توركیا یونان بۆسنا یان هەرشوێنێكی جیهان,چونكە لێرەدا بابەتەكە بوونی یوسف نیە بە تەنها بەلكو بوونی خێزانێكە بە گشتی ,هەموومان لە كیانەڵاداین بۆ یوسف ,دایكی زۆر نەخۆشە و هەفتان جارو دوان بە هەلە داوان دەیگەیەنینە نەخۆشخانە .
ئەمە بەسەرهاتی هەزارەها یوسفن كە گورگ دەیانخوات یان یوسف خۆرەكان بێسەرو شوێنیان دەكات ,بەهیوای گەرانەوەی یوسف بۆ باوەشی دایكە نەخۆشەكەی .